Թուրքիան մահմեդականներին կոչ է արել դադարեցնել բռնությունները կապված ԱՄՆ-ում նկարահանված «Մուսուլմանների ամեղությունը» ֆիլմի հետ:
ԱՄՆ-ի նախագահ Բարաք Օբաման դիմել է Ռեջեփ Էրդողանի կառավարությանը` խնդրելով դադարեցնել բռնության գործադրումը իսլամական աշխարհում: Օբաման ուղերձ է հղել թուրքական ղեկավարությանը և մի շարք հեռախոսային զրույցներ է ունեցել վերջին իրադարձությունների հետ կապված:
Ահա թե ինչ է այս կապակցությամբ հայտարարել վարչապետ Ռեջեփ Էրդողանը:
«Մենք պետք է աշխարհի ցանկացած անկյունում պայքարենք ծայրահեղական տարրերի դեմ, անկախ նրանց կրոնական պատկանելությունից: Նման բացասական վերաբերմունքը մարգարեին վիրավորելու համար հիմնավոր է, սակայն այն պետք է արտահայտել մահմեդականության օրենքներին համապատասխան: Մահմեդականները չպետք է ենթարկվեն զայրույթին և բռնություն ու խտրականություն սկսեն: Նման սադրանքներին բռնությամբ պատասխանելը նշանակում է սադրիչների ծուղակն ընկնել»,- հայտարարել է նա:
Դրա հետ մեկտեղ Թուրքիայի մի շարք քաղաքներում բողոքի ակցիաներ են ընթացել, որոնց անդամները հայտարարել են, որ հակամահմեդական ֆիլմը վիրավորում է իրենց կրոնական զգացմունքները:
