ՄԱԿ-ի Անվտանգության Խորհրդում և Գլխավոր Ասամբլեայում Ռուսաստանն առաջին հերթին պաշտպանելու է ՄԱԿ-ի կանոնադրությունը, այլ ոչ թե նախագահ Բաշար Ասադի անձը:
«Մենք քաղաքական անձանցից չենք կառչում: Նրանք, ովքեր հակառակն են պնդում, աղավաղում են պատկերը»,- այս մասին հայտնել է ՌԴ ԱԳՆ փոխղեկավար Գենադի Գատիլովը:
«Միայն քաղաքական գործընթացների շրջանակում, այլ ոչ թե ՄԱԿ-ի ԱԽ-ի որևէ որոշման միջոցով սիրիացիները պետք է որոշեն իրենց պետության ապագան և նրա կարգուկանոնը: Նման երկխոսության շրջանակներում ձեռք բերված ցանկացած համաձայնություն մենք կհարգենք: Դա վերաբերում է նաև Սիրիայի նախագահի անձին»,- ասել է Գատիլովը:
Նրա խոսքերով` ներքին գործերին չխառնվելու սկզբունքը ամրագրված է ՄԱԿ-ի կանոնադրությամբ:
