Ադրբեջանական Trend լրատվական գործակալության փոխանցմամբ`թուրքական Kibar Holding մասնավոր ընկերությունը մինչև ամսվա վերջ սկսելու է ռուսական գազի ներկրման գործընթացը դեպի Թուրքիա: Այս մասին հայտնել է թուրքական ընկերությունում եղած աղբյուրը:
Վերջինիս խոսքերով` ներկայումս կողմերը նախապատրաստվում են գազի ներկրման գործընթացին: Աղբյուրը հավելել է, որ ներկրվող գազի գինն ու ծավալը համարվում են կոմերցիոն գաղտնիք, և հավելյալ տեղեկատվություն կհաղորդվի միայն ներկրման գործընթացն սկսվելուց հետո:
Հիշեցնենք, որ Ռուսաստանը Թուրքիայի թիվ մեկ գազամատակարար երկիրն է, ապա գալիս են Իրանն ու Ադրբեջանը:
