«Լավ կարծիքի եմ Ռուբեն Հայրապետյանի մասին». այսօր լրագրողների հետ հանդիպման ժամանակ այս մասին ասաց ՕԵԿ պատգամավոր Հովհաննես Մարգարյանը՝ շարունակելով, որ լավ կարծիքի է նրա ելույթները լսելուց և կատարած աշխատանքից հետո: Թեև ըստ բանախոսի՝ իդեալական մարդ չկա:
Հարցին, թե ինչպե՞ս է գնահատում Ռուբեն Հայրապետյանի հարցազրույցից հետո ՀՀ երկրորդ նախագահ Ռ. Քոչարյանի գրասենյակի պատասխանը՝ ասաց, որ կոռեկտ չի համարում մեկնաբանելը: Հաջորդ հարցին, թե ինչպե՞ս է գնահատում Ռուբեն Հայրապետյանին շան հետ համեմատելը՝ այնուամենայնիվ նկատեց, որ ցանկացած դեպքում պետք է պահպանել կոռեկտությունը:
Հիշեցնենք, որ Ռուբեն Հայրապետյանի հայտնի հարցազրույցից հետո ՀՀ երկրորդ նախագահ Ռոբերտ Քոչարյանի գրասենյակը պատասխանել էր Ռուբեն Հայրապետանին: « Հ.Գ. Ի դեպ` շների մասին: Ռոբերտ Քոչարյանն ունի ընդամենը մեկ շուն` «գոլդեն ռետրիվեր» ցեղատեսակի, Սիմբա անունով: Այդ շան բնավորության գլխավոր առանձնահատկությունն էլ այն է, որ երբեք դատարկ տեղը չի հաչում»,- նշել էր գրասենյակի ղեկավար Վիկտոր Սողոմոնյանը:
