«Դե՛, հաջողություն» տեսանյութի հերոս, ընդդիմադիր Հիլալ Մամեդովն ահազանգող նամակ է ուղարկել Բաքվի բանտից, որտեղ նա բանտարկված է իր մոտ թմրանյութեր հայտնաբերելուց հետո: Իր հաղորդագրության մեջ բանտարկյալը պատմել է, թե ինչպես են իր մոտ թմրանյութ նետել և որ իշխանությունները վախեցել են իր հանրաճանաչ լինելուց և ազատասիրությունից:
«Ես, իհարկե, սպասոմ էի, որ վաղ թե ուշ այդ «մարդակերներն» այդպես գազանաբար ինձ կձերբակալեին: Սակայն «թմրանյութ» չէի սպասում»,- գրել է բանտարկյալը: Նա իր բանատարկությունը բնութագրում է որպես առևանգում. հունիսի 21-ին 6 կամ 7 մարդ փողոցում նետվել են նրա վրա, սկսել են ծեծել, խցկել են մեքենան, պատմում է Մամեդովը:
Թմրանյութերի դեմ պայքարի վարչության ղեկավարի հետ անձամբ հանդիպումից հետո ազգությամբ թալիշ Մամեդովը մեջբերել է վարչության ղեկավարի խոսքերը. «Ես թալիշ չեմ, իմ հայրը, պապս` Ազի Ասլանովը ևս թալիլշ չեն: Իսկ քո «Շիմոն» հոդվածն իմ պապ Ազի Ասլանովի մասին իրականությանը չի համապատասխանում, քանի որ պապս թալիշերեն չգիտեր: Նա թյուրք էր: Այնպես որ, գնա՛, Հիլա՛լ, մտածի՛ր, դու դեռ հնարավորություն ունես և ժամանակ կունենաս»:
Իր ձերբակալման պատճառների մասին մտածելիս Մամեդովը եզրակացրել է, որ «Դե՛, Հաջողություն» տեսանյութը իր հետ չար կատակ է խաղացել: «Ես միշտ պայքարել եմ ազգերի և մարդկանց իրավահավասարության համար… թյուրքերը, թալիշները` մենք հարազատներ ենք, մի՞թե կարելի է մեզ տարանջատել: Մի՞թե կարելի է մեկին սիրել, մյուսին` ոչ»,- զարմացել է բանտարկյալը:
