Նյու Յորքի ոստիկանությունը վնասազերծել է երկու փողոցային բանդաների՝ մասնակիցների կողմից իրենց հանցագործությունների մասին հպարտանալու և Facebook-ում մրցակիցներին սպառնալիքներ ուղարկելու պատճառով: Այս մասին հայտնում է The New York Times-ը: Երկու խմբավորումները երեք տարի շարունակ պատերազմ են մղել միմյանց դեմ՝ Բրուքլինի շրջանի տարածքի նկատմամբ վերահսկողության համար, սակայն սեպտեմբերի 12-ին ոստիկանությունը հայտարարել է Rockstarz և Very Crispy Gangsters խմբավորումների ներկայացուցիչների ձերբակալման մասին:
49 հանցագործներին Facebook-ում հետևած ոստիկանները նրանց առաջադրել են սպանության, սպանության փորձի մեղադրանքներ: Օպերացիայի արդյունքում ձերբակալվել է 41 մարդ, ևս 8-ը հետախուզման մեջ են:
Իրավապահների խոսքով՝ երկու խմբավորումների առճակատումը սկսվել է 2009-ի սեպտեմբերից՝ Very Crispy Gangsters-ի անդամի սպանությունից հետո: Դրան հաջորդել են ևս երկու սպանություններ, տասնյակ հրաձգություններ:
