Այսօր` սեպտեմբերի 13-ին, վրաերթ-ավտովթար է տեղի ունեցել Արարատի մարզում: ժամը 9:30-ի սահմաններում «ՎԱԶ 21-06» մակնիշի, 25 ՏՏ 678 համարանիշի ավտոմեքենայի վարորդը Երևան-Երասխ ավտոճանապարհի 28 րդ կմ-ին բախվել է համընթաց գնացող տրակտորին:
Ֆոտոլրագրող Գագիկ Շամշյանը shamshyan.com-ին հայտնել է, որ վթարի հետևանքով մեկ հոգի մահացել է, իսկ մեկ հոգի` ծայրահեղ ծանր վիճակում, տեղափոխվել է Արտաշատի բժշկական կենտրոն, որտեղ մահացել է:
Այս պահին դեպքի վայրում աշխատում են ՀՀ Արտակարգ իրավիճակների նախարարության փրկարար ծառայության Արարատի մարզի փրկարար բաժնի Արտաշատի հրշեջ փրկարարական ջոկատի աշխատակիցները:
Տեղում են եղել նաև Ճանապարհային Ոստիկանության 2-րդ սպայական գումարտակի 1-ին վաշտի աշխատակիցները` վաշտի հրամանատար Տիգրան Գրիգորյանի գլխավորությամբ:
Տեղում են եղել նաև Ոստիկանության Արտաշատի բաժնի օպերատիվ խումբը` Արտաշատի ոստիկանապետ Լաերտ Գրիգորյանի գլխավորությամբ: Վթարի վայրում քննչական աշխատանքները ղեկավարում է Ոստիկանության քննչական գլխավոր վարչության Արարատի մարզի քննչական բաժնի ավագ քննիչ Արտակ Ստեփանյանը:
Այս պահին օպերատիվ քննչական խումբը փորձում է պարզել մահացածի և վիրավորի, ինչպես նաև` վարորդների ինքնությունը:
Դեռևս չճշտված տեղեկություններով` մահացածը տրակտորի վարորդն է եղել, ով կանգնած է եղել խափանված տրակտորի հետնամասում, իսկ «ՎԱԶ 21-06»-ի վարորդը վրաերթի է ենթարկել նրան:
Գ. Շամշյանը հայտնել է, որ իր տեղեկություններով «ՎԱԶ 21-06»-ը հաշվառված է Արարատի մարզի Քաղցրաշեն գյուղի բնակիչ Աշոտ Սիրականյանի անվամբ, սակայն վարորդը եղել է 40-ամյա Ալֆրեդ Սիանոսյանը, իսկ տրակտորի վարորդը Մասիս քաղաքի բնակիչ` 50-ամյա Մեսրոպ Առաքելյանն էր:
