Ալյասկայի նախկին նահանգապետ և ԱՄՆ-ի փոխնախագահի հանրապետական թեկնածու (2008) Սառա Փեյլինը նախագահ Բարաք Օբամային կոչ է արել «մեծ մահակ» ձեռք բերել արմատական իսլամիստների հետ պայքարելու համար:
«Մեծ մահակի» քաղաքականությունը տերմին է, որը XX դարի սկզբին ներմուծել է նախագահ Թեոդոր Ռուզվելտը` Լատինական Ամերիկայի երկրների վերաբերյալ:
Համապատասխան դոկտրինան ենթադրում էր, որ եթե Լատինական Ամերիկայում հակամարտություններ լինեին, ԱՄՆ-ը կապահովեր դրանց կարգավորումը, ներառյալ` զենքի գործադրմամբ: 1933-ին Ֆրանկլին Ռուզվելտը հայտարարեց «մեծ մահակի» քաղաքականությունից հրաժարվելու մասին` հայտարարելով «բարի հարևանի» քաղաքականություն:
Երեքշաբթի` սեպտեմբերի 11-ի ահաբեկչությունների տաելիցի օրը, հարձակման է ենթարկվել Բենգազի քաղաքում Ամերիկայի դեսպանությունը: Մահացել են ԱՄՆ-ի դեսպան Քրիս Սթիվենսը և դեսպանատան ևս երեք աշխատակից: Երեքշաբթի հարձակում է տեղի ունեցել նաև Կահիրեում ԱՄՆ-ի դեսպանատան վրա:
«Հնարավոր է` նախագահ Օբաման իր տնից չի տեսնում Լիբիան և Եգիպտոսը… Սակայն եկել է ժամանակը, որ մեր նախագահը պատժի այդ իսլամիստ ծայրահեղականներին»,- ասել է Փեյլինը:
Նա նշել է, որ ահաբեկիչների դեմ պայքարելու փոխարեն Օբաման գոլֆ է խաղում, հարցազրույցներ տալիս:
Ի պատասխան` Օբաման ասել է, որ հանրապետական թեկնածուն սովոր է «նախ կրակել, հետո նշան բռնել»:
ԱՄՆ-ի նախագահական ընտրությունները տեղի կունենան նոյեմբերի 6-ին: Ներկայումս Օբաման առաջինն է, սակայն ոչ մեծ տարբերությամբ` ընդամենը մի քանի տոկոսով:
