Lenta.ru-ի փոխանցմամբ՝ Վրաստանի պաշտպանության նախարարությունը 2008 թվականին Ռուսաստանի հետ օգոստոսյան պատերազմում զոհվածների հուշարձանի դիզայնի մրցույթ է հայտարարել: Այս մասին նշված է Վրաստանի ՊՆ-ի Facebook-յան պաշտոնական էջում:
Մրցույթի համար համապատասխան նկարների ուղարկման վերջնաժամկետ է սահմանվել սեպտեմբերի 25-ը: Մրցույթի բոլոր մասնակիցներից պահանջվում է, որ հուշարձանում նշվեն զոհվածների անունները:
Վրաստանի ՊՆ-ի էլեկտրոնային հասցե ուղարկված բոլոր նկարները հայտնվելու են նրա Facebook-յան էջի «Հուշարձան» ալբոմում: Եզրափակիչ փուլն անցկացվելու է 10 թեկնածուի շրջանում, որոնց նկարները պետք է ստանան ամենաշատ «լայքերը», ինչից հետո կոմպետենտ ժյուրին կընտրի հաղթողին: Դեռևս չի նշվում, թե կոնկրետ երբ կհայտարարվի հաղթողի անունը, ով որպես նվեր կստանա նոթբուք:
