ԱՄՆ-ի և Իսրայելի միջև վեճը հանրային է դարձել,- գրում է The Financial Times-ը: «Վարչապետ Նեթանյահուն խիստ քննադատել է Իրանի վերաբերյալ ԱՄՆ վերջին հայտարարությունները, իսկ Սպիտակ տունը հայտնել է, որ նախագահ Օբաման ընթացիկ ամսում ԱՄՆ-ում չի հանդիպի Նեթանյահուի հետ»,- գրում է պարբերականի հոդվածագիր Ջեֆ Դեյերը:
Երեքշաբթի Նեթանյաուհուն խիստ քննադատության է ենթարկել Վաշինգտոնին «կարմիր գիծ» նշելուց հրաժարվելու համար (չափանիշ, որը խախտելու դեպքում ԱՄՆ-ը հարված կհասցնի Իրանի միջուկային օբյեկտներին): «Միջազգային հանրության ներկայացուցիչները, որնք հրաժարվում են «կարմիր գիծ» հաստատել Իրանի համար, բարոյական իրավունք չունեն Իսրայելի համար լուսացույցի «կարմիր լույս» վառել»,- ասել է նա:
Իրավիճակը հեշտ չէ. որոշ վկայությունների համաձայն՝ Իրանին հարված հասցնելու հարցում Նեթանյահուն Իսրայելում հայտնվել է մեկուսացման մեջ: «Միաժամանակ, ԱՄՆ-ում Օբամայի շտաբը շտապ հակակշիռ է փնտրում հանրապետականների դիրքորոշմանը, որոնք այս տարի տպավորություն են գործում հրեա ընտրազանգվածի վրա»,- ասվում է հոդվածում: Ռոմնին (ի դեպ, նա Նեթանյահուի հին ընկերն է) մշտապես մեղադրում է Օբամային Թեհրանի նկատամբ չափազանց մեղմ վերաբերմունքի համար: Դրանով հանրապետականները հույս ունեն հրեաներից ձայներ ստանալ առանցքային նահանգներում:
Միաժամանակ, «կարմիր գծի» գաղափարի դեմ հանդես է եկել նաև ԱՄՆ պաշտպանության նախարար Լեոն Պանետան:
