Աֆղանստանում 2014 թ. օտարերկրյա զորքերը դուրս բերելուց հետո բազաները պահելու մտադրությունները հակասական են: Այս մասին, ինչպես հաղորդումէ RIA Novosti-ն, հայտարարել է Ռուսաստանի արտգործնախարար Սերգեյ Լավրովը՝ ելույթ ունենալով Ասիայում փոխգործակցության և վստահության միջոցների խորհրդաժողովի արտգործնախարարների խորհրդի նիստում:
«Աշխարհում, այդ թվում՝ ասիական տարածաշրջանում, պահպանվում են բազմաթիվ մարտահրավերներ ու սպառնալիքներ: Հատուկ անհանգստության տեղիք է տալիս Հյուսիսային Աֆրիկայից մինչև Աֆղանստան, այսպես կոչված, «անկայունության կամարների» ձևավորումը»,- ասել է Լավրովը:
«Մեզ չի կարող չանհանգստացնել, թե ինչպես կձևավորվի իրավիճակը այդ երկրում՝ հատկապես այն հակասական հայտարարությունների ֆոնին, որ 2014 թ. օտարերկրյա զորքերը դուրս են գալու, սակայն օտարերկրյա բազաները պահպանվում են,- ընդգծել է նա:- Այստեղ հստակություն է պետք. եթե հակաահաբեկչական առաքելությունն ավարտված է,- իսկ դրանում դեռ կասկած կա,- նշանակում է՝ բազաները պահպանվում են մեկ այլ՝ Աֆղանստանի հետ կապ չունեցո՞ղ առաջադրանքով»:
Լավրովը հանդիպման մասնակից երկրներին կոչ է արել առավել բաց լինել Աֆղանստանի հարցում իրենց ծրագրերում և գործողություններում, «հատկապես որ ՄԱԿ-ի ԱԽ-ն հավանություն է տվել Աֆղանստանի Իսլամական Հանրապետությունում արտասահմանյան ներկայության մանդատին»: