Ադրբեջանական ANS PRESS-ի փոխանցմամբ՝ Ադրբեջանի նախագահ Իլհամ Ալիևը Գաբալայում ԵԱՀԿ-ի անդամ երկրների դեսպանների հետ հանդիպման ժամանակ անդրադարձել է Ղարաբաղյան հակամարտության կարգավորմանը.
«Ոչ միայն մեզ, այլև համայն աշխարհին մտահոգում է ադրբեջանական տարածքների օկուպացիան: 2011 թվականի հունիսին Կազանում տեղի ունեցած վերջին հանդիպումից հետո բանակցային գործընթացն արգելակվել է: ԵԱՀԿ Մինսկի խմբի համանախագահներն այցելում են տարածաշրջան, սակայն ներկայումս մեր քննարկումների հիմնական թեման վերաբերում է ոչ թե բանակցային գործընթացի էությանը, այլ՝ լարվածության, պոտենցիալ սպառնալիքների նվազեցմանը:
ԵԱՀԿ Մինսկի խմբի ստեղծումից հետո առաջին անգամ մենք ականատես ենք լինում, որ բանակցային գործընթացը մտել է փակուղի: Նախորդ տարիներին բանակցային գործընթացի մի շարք փուլեր, մի շարք առաջարկներ անարդյունավետ են եղել:
Մենք նույնպես ցանկանում ենք հարցը լուծել խաղաղ ճանապարհով, ինչի մասին վկայում է Մինսկի խմբի հետ մեր 20-ամյա համագործակցությունը: Եթե Հայաստանը միայն խաղաղություն է ցանկանում, մենք ցանկանում ենք խաղաղություն ու մեր տարածքները»:
