Սոչիում ինքնասպանություն է գործել երիտասարդական խորհրդարանի անդամ, հասարակական ակտիվիստ Վլադիմիր Ավագյանը: Միջադեպը տեղի է ունեցել Սվետլանովյան կամրջի վրա, տասնյակ զբոսաշրջիկների աչքի առջև: Չնայած նրան կանգնեցնել փորձող անցորդների աղաղակներին՝ 20-ամյա երիտասարդը նետվել է 27 մետր բարձրությունից: Այս մասին հաղորդում է Вести-Сочи-ն:
Ականատեսները դեպքի վայր ժամանած ոստիկանությանը հայտնել են, որ երիտասարդը եղել է «լավ հագնված, ձեռքին եղել է պորտֆել, անձը հաստատող փաստաթուղթ, իսկ հեռախոսը անդադար զանգել է»:
Նրան չի հաջողվել փրկել: Բժիշկները նրա մոտ հայտնաբերել են գլխի և ողնաշարի վնասվածքներ, որոք անհամատեղելի են կյանքի հետ:
Ինքնասպանությունից առաջ Ավագյանը մի պահ կանգ է առել, հեռախոսը դադարել է զանգել, սակայն այն բանից հետո, երբ կրկին հնչել է զանգի ձայնը, երիտասարդ քաղաքական գործիչը հաշվեհարդար է տեսել իր կյանքի հետ: Նախնական վարկածով՝ երիտասարդը նման քայլի է դիմել ընտանեկան խնդիրների պատճառով: Մտերիմները պատմել են, որ Ավագյանը բարդ հարաբերություններ է ունեցել հոր հետ:
Ակտիվիստը Սոչիում հայտնի է խաղատների և անօրինական ավտոկայանման դեմ պայքարի իր նախաձեռնություններով: