Հունգարիայի հետ դիվանագիտական հարաբերությունների խզումը ադեկվատ և համարժեք որոշում էր այն գործարքին, որը տեղի էր ունեցել միջազգային ընդունված հարաբերությունների խախտումներով: Այսօր լրագրողների հետ հանդիպմանըայս մասին ասաց Բուդապեշտում Գ. Մարգարյանի սպանության (2004-2006թթ.) գործով լսումներին ՀՀ պաշտպանության նախարարության ներկայացուցիչ Հայկ Դեմոյանը:
Ըստ Դեմոյանի` դա պարզունակ մի գործարք էր, որի հետևանքները մենք բոլորս գիտենք: Վերջինսբավական անփառունակ համարեց Հունգարիայի կառավարության որոշումը, որի վերաբերյալ արդեն իսկ հասարակության մտավորականության շրջանում համարժեք արձագանքներ են հնչում: Բանախոսի խոսքով՝ դա լրջորեն խաթարել է գործող իշխանության հեղինակությունը, ուստի չի բացառվում ճգնաժամն այդ երկրում:
«Ալիևն իր տխրահռչակ որոշմամբ հնարավորություն է տվել բացել բոլոր ճանապարհներըքարոզչական դաշտում Ադրբեջանին ջախջախիչ հարված հասցնելու` կարող են և ճակատային, և թևային հարված տալ: «Եվրատեսիլ»-ի պարտությունը արտաքին ճակատում համեմատելի չէ այն ջախջախիչ անկմանը, որն Ալիևն ապահովեց իր երկրի համար: Մենք լուրջ սխալ թույլ կտանք, եթե չկարողանանք օգտվել ընձեռված հնարավորությունից»,- ասաց Հայկ Դեմոյանը:
Նրա կարծիքով` ՄԱԿ-ում պետք է բարձրացվի Ադրբեջանի լիազորությունների կասեցումը` որպես Անվտանգության խորհրդի ժամանակավոր անդամ:Շուտով Եվրախորհրդարանում կլինեն քննարկումներ. այստեղ նաև այս հարցը պետք է բարձրացվի:
«Ժամանակն է նաև, որ մենք հակահայկականությունը դիտենք որպես միջազգային հանցագործության տեսակ»,- իր խոսքն ամփոփեց Հայկ Դեմոյանը:
