Անգլիական «Մանչեսթեր Սիթի»-ի գլխավոր մարզիչ Ռոբերտո Մանչինին կարծում է, որ Իտալիայի առաջնության չեմպիոնի համար մղվող պայքարը հիմնականում ընթանալու է երեք թիմերի միջև՝ «Նապոլի»-ի, «Յուվենթուս»-ի ու «Ռոմա»-ի:
«Կարծում եմ՝ Սկուդետոյի համար պայքարը լինելու է «Յուվենթուս»-ի, «Նապոլի»-ի ու «Ռոմա»-ի միջև: Հնարավոր է՝ «Յուվենթուս»-ն ավելի մեծ հավակնորդ է, քանզի անցած տարվա չեմպիոնն է: Բայց «Յուվե»-ն ընդամենը մի փոքր առավելություն ունի, իսկ «Նապոլի»-ն ու «Ռոմա»-ն սպասում են հարմար պահի: Այնպես որ, ես հետաքրքիր առաջնություն եմ ակնկալում:
Եթե Զեմանին հաջողվի այնպես անել, որ թիմը միշտ խաղա այնպես, ինչպես «Ինտեր»-ի հետ խաղում, ապա «Յուվենթուս»-ին զգուշանալ է պետք:
Ինձ դուր է գալիս «Նապոլի»-ն: Նրանք կարող են մի քանի լավ ֆուտբոլիստի տրանսֆերներ ձեռք բերել՝ ավելի կայուն դարձնելով թիմը: Թիմն արդեն ցույց է տվել իր մակարդակը Չեմպիոնների լիգայում: Վերջին տարիներին ակումբը բավական առաջընթաց է ապրել, դրա համար էլ այժմ պայքար է մղելու՝ Սկուդետոն նվաճելու համար»,- Football Italia-ն մեջբերում է Մանչինիի խոսքերը:
