Մեծ Բրիտանիայում 78-ամյա Դինո Մացոլին իր կյանքի 10 տարիները տրամադրել է Աստվածաշնչի արտագրությանը, և՛ Հին, և՛ Նոր Ավետարանների 5000 նկարազարդումներ ստեղծելուն, հաղորդում է Life News-ը:
Ըստ գրքի հեղինակի` այդ գաղափարն իր մոտ առաջացել է 2001 թ., երբ նա անցել է թոշակի և ընկճախատային վիճակի պատճառով ցանկություն չի ունեցել տանից դուրս գալու և շփվելու մարդկանց հետ:
«Սկզբում ես սյուժետային գծանկարներ էի անում` երկար ժամանակ դուրս չգալով սենյակից: Սակայն իմ նոր գաղափարն ինձ այնքան էր ոգևորել, որ ես այդքան ժամանակ դուրս չգալուց հետո վերջնականապես որոշեցի բնակարանիցս դուրս գալ և գնել ինձ անհրաժեշտ իրերը գաղափարս իրականացնելու համար»:
Նրա որդին նշում է, որ իրենք չէին հավատում, որ իրենց հայրը կարող էր լուրջ մոտենալ այդ հարցին: Աշխատանքն ավարտելուց հետո այն ուղրակվել է Հռոմի Պապին և մի օրինակ էլ Անգլիական եկեղեցու առաջնորդին: Վերջինս անձնամբ է պատասխանել գրքի հեղինակին` առաջարկելով այն թողարկել մեծ քանակությամբ` նշելով հեղինակի անունը:
«Ես ուրախ եմ, որ առաջինն եմ, ում հաջողվել է այս ձևաչափով գիրք ստեղծել: Վաճաքից գոյացած բոլոր գումարները կտրամադրավեն բարեգործական նպատակներով»,- հայտարարել է թոշակառուն:
