Վրաստանի նախագահ Միխեիլ Սաակաշվիլին հայտարարել է, որ Ռուսաստանը 2 միլիարդ դոլար ֆինանսավորում է տրամադրել Վրաստանի քաղաքական ուժերից մեկին, որը մասնակցելու է հոկտեմբերի 1-ին կայանալիք խորհրդարանական ընտրություններին: «Այդպիսով` Մոսկվան փորձել է Վրաստանում անկարգություններ հրահրել, սակայն այդ փորձերն արագորեն ճնշվել են»,- Грузия Online-ի փոխանցմամբ` ասել է նախագահը:
«Հաշվարկը շատ պարզ էր. ընտրական անվստահություն, բազմաթիվ օտարերկրյա ԶԼՄ-ների կաշառում, շշուկների տարածում, ընտրություներից հետո շփոթմունքի ստեղծում, վրաց ժողովրդին տարանջատելու փորձ: Ռուսաստանը մտադիր էր մեր ընտրություններին ռազմական մանևրումներ ցուցաբերելով ու ներքին անկարգություններ հրահրելով` իրականացնել իր ծրագրերը»,- նշել է Վրաստանի նախագահը:
«Այսօր վրաց ժողովուրդը ցույց տվեց որ միասնական է` ինչպես երբևէ. դրա արդյունքում էլ թշնամական ծրագիրը խափանվեց»,- ասել է Սաակաշվիլին: