Այսօր առավոտյան Թաիլանդում՝ Լամպանգ մարզի Կհուն Տան կայարանի շրջանում և Թաիլանդի Հյուսիսային մայրաքաղաք Չիանգմայ քաղաքի միջև լեռնային սողանքն ամբողջությամբ փակել է և մասամբ վնասել երկաթուղին, ինչի հետևանքով դադարեցվել է թաիլանդական երկաթուղիների հյուսիսային ուղղությամբ գնացքների երթևեկությունը: Այս մասին հաղորդում է RIA Novosti-ն:
Սողանքը տեղի է ունեցել այն պահին, երբ ճանապարհին գնացքներ չեն եղել, ուստի մարդկային զոհերից հաջողվել է խուսափել, սակայն երկաթուղու ռելսերը մասնակիորեն վնասվել են: Այս պահին դեպքի վայր են ուղարկվել վերանորոգման աշխատանքներ կատարող մի քանի ջոկատներ:
Սեզոնային ուժեղ անձրևները ջրհեղեղներ և սողանքներ են առաջացրել Թաիլանդի մի քանի շրջաններում, հատկապես երկրի հյուսիսում և հյուսիս-արևելքում:
Չիանգմայ քաղաքը Թաիլանդի կարևորագույն զբոսաշրջային գոտիներից մեկն է:
