Երեկ` ժամը 20.00-ի սահմաններում, «Ժողովուրդ» օրաթերթն Արթիկից ահազանգ ստացավ այն մասին, որ Շիրակի մարզի դատախազ Դավիթ Սարգսյանը հենց այդ ժամին, պտտվելով քաղաքի տարբեր մասերում, արթիկցիներին ստիպում, սպառնում և ահաբեկում է, որ ընտրեն գործող քաղաքապետ Խաչատուր Վարագյանին:
Մեկնաբանություն ստանալու նպատակով թերթը դիմեց դատախազ Սարգսյանին, որը, բնականաբար, հերքեց. «Դա բացարձակ սուտ է: Ո՞ւմ եմ սպառնացել, գոնե մեկի անունը տվեք: Զրպարտություն է: Ես որևէ մեկին չեմ սպառնացել և քաղաքականության հետ կապ չունեմ: Դուք հասկանո՞ւմ եք` իմ պաշտոնը ո~ւր, թաղերով պտտվելն ո~ւր, ժողովրդի հետ հանդիպելն ո~ւր: Բացի այդ ես Վարագյանի հետ կապ չունեմ: Հետո այս գիշերով ես ի՞նչ գործ ունեմ հանդիպեմ մարդկանց հետ»:
