Friday, 29 03 2024
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է

ԲՀԿ-ն պարտավորվել է պաշտպանել Սերժ Սարգսյանի թեկնածությունը

ՀՀԿ փոխնախագահ, պատգամավոր Ռազմիկ Զոհրաբյանի հետ այս հարցազրույցը տեղի է ունեցել երեկ և այսօր հրապարակվել է «Ժամանակ» թերթում: Այսօր պարոն Զոհրաբյանին խնդրեցինք մեկնաբանել նաև ԲՀԿ մամլո խոսնակ Տիգրան Ուրիխանյանի տարածած հայտարարությունը, որտեղ մեղադրանքներ կան ՀՀ վարչապետ Տիգրան Սարգսյանի նկատմամբ:

– Պարոն Զոհրաբյան, ինչպե՞ս եք մեկնաբանում վարչապետ Տիգրան Սարգսյանին ուղղված՝ ԲՀԿ մամլո խոսնակի հայտարարության մեղադրանքները:

– Նախ ես չեմ ուզում անդրադառնալ այդ մեղադրանքներին, բայց ասեմ, որ Տ.Սարգսյանը Հանրապետական կուսակցության և նախագահ Սերժ Սարգսյանի առաջադրած վարչապետն է: Մենք այդ վարչապետի հետ միասին գնացել ենք ընտրությունների, ստացել ենք մեծամասնություն: Եվ եթե վարչապետը վատ աշխատեր, ապա մենք այդքան բարձր տոկոսներ չէինք ստանա: Նաև վարչապետի աշխատանքի շնորհիվ ենք մենք այդ քվեն ստացել: Ես համարում եմ, որ նա լավ է աշխատում, և ՀՀԿ-ն չի պատրաստվում վարչապետի փոփոխություն անել:

– Ձեր կարծիքով ԲՀԿ-ն ինչո՞ւ է անընդհատ քննադատում ձեր վարչապետին:

– Հայաստանում բազմակուսակցական համակարգ է, բոլոր կուսակցություններին չէ որ կարող են դուրս գալ իշխանությունների վարած տնտեսական քաղաքականությունը: Ես ընդունում եմ առողջ, կառուցողական քննադատությունը, բայց ոչ թե վիրավորանքները:

– Կարծիք կա, որ ԲՀԿ-ն պարզապես ձգտում է վարչապետի պաշտոնում տեսնել իր համար ցանկալի մարդուն:

– Քանի որ ԲՀԿ-ն նույնպես մտել է քաղաքական պայքարի մեջ և ցանկանում է մեծամասնություն վերցնել և ԱԺ-ում, և գործադիր մարմինը, բնականաբար այդ ցանկությունները կան: Բայց այդ ցանկությունները պետք է արտահայտվեն ժողովրդից  ստացած քվեներից ելնելով և զերծ մնան վիրավորանքներից:

– Պարոն Զոհրաբյան, Ս.Սարգսյանը Գյումրիում հայտարարեց, որ Սամվել Բալասանյանը ՀՀԿ թեկնածուն է, բայց ԲՀԿ-ն ասում է, թե իրենց թեկնածուն է: ԲՀԿ-ն ՀՀԿ հետ կոալիցիա չի կազմել, իրեն հռչակել է այլընտրանք ու քննադատում է ձեր իշխանությանը: Այդ դեպքում Ս. Բալասանյանն ո՞ւմ թեկնածուն է, իշխանությունների՞, թե՞ այլընտրանքի:

– Առաջին հերթին նախագահը Գյումրիում պարզ հայտարարեց, որ Ս. Բալասանյանին ինքն է առաջադրել ՝ գտնելով որ հասարակության մոտ ավելի շատ ձայն ունի, ավելի առաջատար դիրքերում է: Եվ նախագահն առաջադրեց նրա թեկնածությունը` անկախ այն հանգամանքից, թե նա ԲՀԿ-ից է, թե ՀԱԿ-ից: 

– Դուք ՀԱԿ-ի անդամին որևէ համայնքում կպաշտպանե՞ք:

– Եթե ՀԱԿ-ի թեկնածուն Գյումրիում ունենար այդ վարկանիշը,  կմտածեինք այդ մասին: Ս. Բալասանյանի վարկանիշը թե՛ քաղաքական, թե՛ բիզնեսի դաշտում, նորմալ է և առաջարկվեց նրա թեկնածությունը:

– ՀՀԿ-ն Գյումրիում Ս. Բալասանյանին պաշտպանելով՝ քաղաքական ի՞նչ հարց է լուծում: Կարծես թե ԲՀԿ-ին հասկացրեց, որ դա իր մարդն է, և ինքն է իրավիճակը վերահսկում: Ս. Բալասանյանին պաշտպանելով՝ միաժամանակ այնպիսի իրավիճակ ստեղծեց, որ ՀԱԿ-ն էլ չկարողանա պաշտպանել ԲՀԿ թեկնածուին:

– Խորհրդարանական ընտրությունների ժամանակ տեսանք, որ Գյումրիում ԲՀԿ-ն ՀՀԿ-ից ավելի շատ ձայն է ստացել: Ուրեմն ինչո՞ւ հենց ԲՀԿ-ից չառաջադրել թեկնածու:

– Իսկ ինչո՞ւ ՀՀԿ-ն Գյումրիում պարտվեց: Գյումրեցիներն այլևս ձեր կուսակցության հետ հույսեր չե՞ն կապում և նախընտրում են ԲՀԿ-ի՞ն:

– Մի քանի պատճառներ կան՝ սկսած երկրաշարժից մնացած խնդիրներից: Եվ քանի որ իշխանությունը մենք ենք կրում, բնականաբար պետք է դժգոհությունը լինի իշխանությունների նկատմամբ: Այդ պատճառով էլ ավելի շատ ձայն ԲՀԿ-ին տվեցին: Մենք էլ ելնելով պետական շահերից՝ պաշտպանեցինք նրա թեկնածուին, նախընտրեցինք այն անձին, ում ժողովուրդն ավելի շատ ձայն կտա:

– Հրազդան քաղաքում ՀԱԿ ներկայացուցիչ Սասուն Միքայելյանն ուներ ժողովրդի աջակցությունը և բավականին շատ ձայներ հավաքեց: Ինչո՞ւ նույն օրինակով նրան էլ չպաշտպանեցիք:

– Պարզապես չենք պաշտպանել ու վերջ: Չմոռանանք, որ Ս. Միքայելյանը հեռացված է մեր կուսակցությունից: Դրանով արդեն կարելի է եզրափակել: Ս. Բալասանյանը ՀՀԿ-ից չի գնացել ԲՀԿ:

– Եթե 2013թ. ԲՀԿ-ն չպաշտպանի Ս. Սարգսյանի թեկնածությունը, Ս. Բալասանյանին կստիպե՞ք դուրս գա ԲՀԿ-ից, ինչպես դուրս եկավ ՕԵԿ-ից:

– ԲՀԿ-ն նախագահի իր թեկնածուի մասին չի հայտարարում, իսկ մենք ունենք մեր թեկնածուն: ՕԵԿ-ն էլ է մեր թեկնածուին պաշտպանելու: ԲՀԿ-ն էլ մինչև ընտրությունները երբ կոալիցիայում էր, հուշագրով պարտավորվում էր պաշտպանել Ս. Սարգսյանի թեկնածությունը:

– Այսինքն` այս պահի դրությամբ Ս. Սարգսյա՞նն է ԲՀԿ-ի թեկնածուն:

– Կոալիցիայի հուշագրում կա այդ մասը, թեև ԲՀԿ խոսնակն ասել է, թե հուշագիրն այլևս ուժի մեջ չէ: Բայց դա ասել է խոսնակը: Խոսնակը կուսակցության նախագահը չէ: Երբ կուսակցության նախագահը կհայտարարի, մենք ի գիտություն կընդունենք:

– Տպավորությունն այնպիսին է, որ ՀՀԿ-ն ու ՀԱԿ-ը փորձում են ԲՀԿ-ին իրենց կողմը տանել: Եվ ԲՀԿ-ն որ կողմը թեքվեց, նա լինելու է ազդեցիկ ուժ: ԲՀԿ-ին վերջնականապես չկորցնելո՞ւ համար է, որ Ս. Սարգսյանը հանդուրժում է այդ կուսակցության անդամների քննադատություններն իր ղեկավար իշխանության հասցեին:

– Նման խնդիր չկա, մենք ԲՀԿ-ի հետ երկար համագործակցել ենք: Հիմա իրենք իրենց հայտարարել են այլընտրանքային ուժ, որը դեռ չի նշանակում ընդդիմություն: Ինչո՞ւ են այդպես հայտարարում: Իմ կարծիքով` նրանք չեն ուզում նմանվել ծայրահեղ ընդդիմադիրներին, որովհետև իրենք, իսկապես, ծայրահեղ ընդդիմադիր չեն: Իրենք կառուցողական են, ունեն և քննադատություն, և պաշտպանություն որևէ երևույթի նկատմամբ: Այսինքն` ասում են, որ իրենք էլ կուզենային լինել իշխանություն և ոչ թե ծայրահեղ ընդդիմություն: ԲՀԿ-ն ընտրություններին հավաքեց 30 տոկոս, թեև մրցակցում էր 50+1 տոկոսի համար: Նրանք հայտարարեցին, որ իրենք էլ են ուզում լինել իշխանություն և իրենց համարում են կայացած քաղաքական ուժ: Բայց հասարակությունը տեսավ, որ ՀՀԿ-ն դեռ ավելի կարևոր է պետականությունը պահելու համար: Հաջորդ դասին կերևա, թե որ ուժն է ավելի կարևոր: Հասարակությունն իր ենթագիտակցական, բնազդային ձայնով ընտրում է նրան, ով երկրին ու հասարակությանը դուրս կբերի այս վիճակից:

– Պարոն Զոհրաբյան, այնուամենայնիվ ՀՀԿ-ն ի՞նչ հարաբերություններ ունի ԲՀԿ հետ: Պարզապես մրցակցայի՞ն, թե արդեն լուրջ հակամարտություն կա:

– Եթե մենք ԲՀԿ թեկնածուին ենք պաշտպանում, ուրեմն հարաբերություններն այնքան էլ վատ չեն: Ինչպես Ս. Սարգսյանը Գյումրիում ասեց, մենք թշնամիներ չենք: Այդպիսով, նա նախ ասեց, որ մեր հարաբերությունները նորմալ են, երկրորդը՝ որ մենք մտածում ենք մեր պետության համար:

– Եթե Դուք Ս. Բալասանյանին եք պաշտպանում, դա նշանակում է, որ նրանք էլ Ս. Սարգսյանի՞ն կպաշտպանեն:

– Այո՛, ես ԲՀԿ-ից ակնկալում եմ, որ որոշակի սատարում լինի:

– Տպավորությունն այնպիսին է, որ Գագիկ Ծառուկյանը լավ հարաբերություններ ունի Սերժ Սարգսյանի հետ:

– Այո՛, վատ հարաբերություններ չունի:

– Սակայն ԲՀԿ-ում վատ են տրամադրված անձամբ վարչապետ Տիգրան Սարգսյանի ու նրա գլխավորած կառավարության նկատմամբ: Բայց չէ՞ որ Տ.Սարգսյանն աշխատում է Ս. Սարգսյանի ենթակայությամբ, և բացի այդ` չէ՞ որ մեր երկրում վարչապետներն առանց նախագահի համաձայնության երբեք չեն կարողացել տնտեսության մեջ գլոբալ փոփոխություններ իրականացնել:

– Նրանք իրենց խոսնակի մակարդակով ասել են, որ վարչապետի փոփոխություն են ուզում:

– Այսինքն` ԲՀԿ ուժը վարչապետի՞ և ո՞չ նախագահի վրա է պատում:

– Ես չեմ ուզում ենթադրությունների դաշտ մտնել:

Բաժիններ
Ուղիղ
Լրահոս
Որոնում