Սեպտեմբրի 6-ին մի քանի հարյուր ցուցարարներ էին հավաքվել Մադրիդում գտնվող Եվրամիության ներկայացուցչության առջև` ցույց տալով իրենց բացասական վերաբերմունքը Գերմանիայի կանցլեր Անգելա Մերկելի Իսպանիա կատարած այցի նկատմամբ:
Իրենց «վրդովվածներ» անվանող ընդդիմադիրները հանդես էին եկել հետևյալ ցուցանակներով` «Մերկե՛լ, հեռացի՛ր քո տուն», «Գերմանիան կործանում է Եվրոպան» և «Չորրորդ ռեյխ»:
Ներկաները հայտնել են, որ համաձայն չեն Մարիանո Ռախոյի վարած տնտեսական քաղաքականության հետ: Նրանց հատկապես վրդովեցրել է, որ Ռախոն հայտարարել է, թե բոլոր քաղաքացիները պատասխանատվություն են կրում պետական պարտքի գոյացման համար, քանի որ ապրել են այդ միջոցների հաշվին: Նրանք ցույցի ժամանակ հայտարում էին, որ «Երբևէ ունեցել են սոցիալական իրավունքներ» և «Ծախսերի կրճատում գոյություն չունի»: Նրանք գտնում են , որ պահպանողականների քաղաքանությունից տուժում է հատկապես երիտասարդությունը:
Երբ ցուցարարների ժամանակը լրացավ, նրանք շարժվեցին դեպի Գերմանիայի դեսպանատուն. իրենց ելույթների ժամանակ ցուցարարները Բեռլինին մեղադրեցին ոչ միայն իսպանական, այլ նաև հունական ճգնաժամի մեջ:
Հավելենք, որ Իսպանիան համաշխարհային ճգնաժամից ամենաշատ տուժած երկրների շարքում է:
