ԱՄՆ-ի գաղտնի ծառայությունը ձերբակալել է մի մարդու, որը սպառնացել է Շարլոտ քաղաքում անցկացված Դեմոկրատական կուսակցության համագումարի ժամանակ սպանել գործող նախագահ Բարաք Օբամային: Այս մասին հաղորդում է ITAR-TAS-ը:
Հինգշաբթի երեկոյան՝ ֆորումի վերջին օրը, ամերիկյան իշխանությունները հաղորդել են, որ ձերբակալել են տեղի բնակիչ, 21-այա Դոնտ Ջամար Սիմսին, որը Twitter միկրոբոլգների ցանցում թուիթ էր թողել նախագահի վրա այդ երեկո հարձակում իրականացնելու իր մտադրության մասին:
Քերականական սխալներով գրառումը հայտնվել էր երկուշաբթի` քաղաքում Օբամայի գտնվելուց 2 օր առաջ: Հարցաքննության ժամանակ Սիմսը խոստովանել է, որ գրառումը զետեղելիս գտնվել է մարիխուանայի ազդեցության տակ: Նա չի թաքցրել այն, որ ատում է նախագահին, սակայն վախենալով դատարանից` ներողագիր է գրել:
Նրան սպասվում է ազատազրկում` 5 տարի ժամկետով:
