Դատական համակարգում յոթ թափուր տեղ կա: «Հրապարակ»-ի տեղեկություններով, այս տեղերում նշանակվելու կռիվ է գնում: Իրենց կադրերին են ուզում նշանակել տալ դատախազությունը` Աղվան Հովսեփյանի գլխավորությամբ, և վճռաբեկ դատարանը` Արման Մկրտումյանի գլխավորությամբ: Վերջիններս իրենց ցուցակներն են ուղարկել նախագահական նստավայր, որտեղից պատասխանել են` կորոշենք-կասենք:
Սակայն երկու դատավորի հարց, «Հրապարակ»-ի աղբյուրների փոխանցմամբ, արդեն իսկ լուծված է. մեկը դատախազ Զելիմ Թադևոսյանի աղջկա` Լիլիթ Թադևոսյանի հարցն է, մյուսը` Փաստաբանների պալատի նախագահ Ռուբեն Սահակյանի աղջկա, ով սովորել և այս տարի ավարտել է Դատավորների դպրոցը:
