Genesis խումբը պարգևատրվել է իր գործունեության ընթացքում պրոգրեսիվ ռոքում (պրոգ-ռոքում) ձեռք բերված հաջողությունների համար, հայտնում է BBC News-ը: Մրցանակը երաժիշտներին հանձնվել է սեպտեմբերի 5-ին Լոնդոնում` Prog Magazine ամսագրի կազմակերպած Progressive Music Awards-ի առաջին միջոցառման ժամանակ:
Տարվա ալբոմ է ճանաչվել կանադական Rush տրիոյի Clockwork Angels-ը: «Հիմն» անվանակարգում հաղթել է Squackett դուետի A Life Within A Day-ը:
«Նոր արյուն» անվանակարգի հաղթող` լավագույն սկսնակ է ճանաչվել պրոգրեսիվ-մետալիկ (պրոգ-մետալիկ) TesseracT խումբը: Լավագույն համերգի հեղինակ են ճանաչվել Anathema-ի երաժիշտները: Pink Floyd-ի ձայնասկավառակի վերաթողարկումն արժանացել է լավագույն դիզայնի համար մրցանակին:
Եվս երեք հատուկ մրցանակ է շնորհվել Van der Graaf Generator-ի հիմնադիր Փիթեր Հեմմիլին («Կանխատեսող»), Emerson, Lake & Palmer-ի թմբկահար Կառլ Փալմերին («Վիրտուոզ») և Porcupine Tree-ի առաջատար Սթիվեն Ուիլսոնին («Ուղղորդող լույս, վիրտուոզ»):
