Ահազանգ է ստացվել, որ Երևան քաղաքի Մոսկովյան փողոցի թիվ 28 շենքի բակում ավտոտնակ է այրվում:
«Ժավել» է խմել
Փետրվարի 23-ին ժամը 08.00-ին տեղեկատվություն է ստացվել, որ ժամը 04.00-ի սահմաններում քիմիական թունավորումով (օգտագործել է «ժավել») «Արմենիա» բժշկական կենտրոն է հոսպիտալացվել Երեւանի Այգեձոր փողոցի թիվ 61 շենքի 11-րդ բնակարանի բնակիչ 1940թ. ծնված Արտավազդ Սիզյանը:
Ըստ բժիշկների` տուժածը ստացել է առաջին բուժօգնություն և դուրս է գրվել:
Հրդեհներ
Փետրվարի 23-ին ժամը 12.41-ին ահազանգ է ստացվել, որ Երևան քաղաքի Մոսկովյան փողոցի թիվ 28 շենքի բակում ավտոտնակ է այրվում:
Դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 12.57-ին, մարվել` 13.00-ին:
Ա.Բարսեղյանին պատկանող թիվ 28 ավտոտնակում (ծառայել է որպես պիցցայի պատրաստման արտադրամաս) այրվել են կենցաղային իրեր և փաթեթավորման տուփեր` 30 քմ. մակերեսով:
***
Նույն օրը ժամը 15.44-ին ահազանգ է ստացվել, որ հրդեհ է բռնկվել Արարատի մարզի Ջրաշեն գյուղի հարակից այգիներում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 16.14-ին, մարվել` 16.29-ին:
Այրվել է 1000 քմ. մակերեսով խոտածածկ տարածք:
Փրկարարները հասել են օգնության
Փետրվարի 23-ին ժամը 18.17-ին ահազանգ է ստացվել այն մասին, որ Գեղարքունիքի մարզի Գավառ քաղաքի Սայադյան փողոցի միջնամասում մի ավտոմեքենա հայտնվել է ձնակույտի մեջ և անհրաժեշտ է օգնություն:
Դեպքի վայր է մեկնել մարզային փրկարարական վարչության փրկարար ջոկատը:
Տեղում պարզվել է, որ ձնակույտի մեջ հայտնվել են 3 ավտոմեքենա՝ «ՎԱԶ-21015» մակնիշի 20 ՏՕ 248 պետհամարանիշով, «ԳԱԶելե մակնիշի 541 ԼՏ 68 պետհամարանիշով եւ «ԳԱԶ-31010» մակնիշի 31 ԼՍ 999 պետհամարանիշով (3 վարորդ, ուղևորներ չկան):
Ժամը 19.00-ին փրկարարների ուժերով ավտոմեքենաները դուրս են բերվել ճանապարհի երթևեկելի հատված: