Տարբեր երկրների մի խումբ գիտնականները հրապարակել են մարդու գենոմի լիարժեք հետազոտությունը: Ըստ ստացված արդյունքների՝ մարդու գենետիկ կոդի առավել շատ մաս է կենսաբանորեն ակտիվ, քան մինչ այժմ կարծում էին:
Նրանց հաջողվել է պարզել գենոմի 80 տոկոսի գործառույթները, մինչդեռ նախկինում կարծում էին, որ ԴՆԹ պարույրների մեծ մասը ոչ մի ֆունկցիա էլ չունի: Գիտնականները ուշադրություն էին դարձնում միայն գենոմի 2 տոկոսի վրա, որը պատասխանատու է սպիտակուցի արտադրման համար:
«ԴՆԹ մասնիկների հանրագիտարան» նախագծի վրա 2003 թվականից աշխատել են ավելի քան 400 գիտնականներ Մեծ Բրիտանիայի, ԱՄՆ-ի, Իսպանիայի, Սինգապուրի և Ճապոնիայի 32 լաբորատորիաներից:
Հետազոտողները կարծում են, որ նոր բացահայտումները կօգնեն իրենց ապագայում գտել պայքարի միջոցներ բազմաթիվ հիվանդությունների դեմ, այդ թվում՝ քաղցկեղի և դիաբետի:
Հետազոտության ընթացքում ուսումնասիրվել են ԴՆԹ երկակի պարույր կազմող 3 միլիարդ զույգ գեներ:
