Հետազոտողների կարծիքով՝ էլեկտրոնային փոստից հրաժարվելը բարելավում է սրտի աշխատանքը, ինչպես նաև բարձրացնում է աշխատունակությունը:
Կալիֆոռնիայի համալսարանի պրոֆեսորները փորձ են արել 13 կամավորների վրա և բացահայտել են, որ էլ.նամակներին չհետևելը իջեցնում է սթրեսի մակարդակը և բարելավում սրտի աշխատանքը: Նրանք սրտի ռիթմը ստուգող սարքավորումներ են ամրացրել գրասենյակային աշխատողների վրա և գրանցել են, որ օրվա ընթացքում նրանք գտնվում են բարձր պատրաստվածության վիճակում, եթե նրանք մշտական «շփվում» են իրենց էլ. փոստերի հետ: Այնուհետև մասնակիցներին 5 օր թույլ չի տրվել ստուգել իրենց էլեկտրոնային փոստերը: Բազմաթիվ մարդիկ այսօր կախվածություն ունեն իրենց էլ. փոստերից, ինչպես ալկոհոլից:
Որոշ տվյալների համաձայն՝ յուրաքանչյուր օր համացանցում փոխանակվում է 200 մլրդ հաղորդագրություն:
Փորձից հետո պրոֆեսորները եկել են այն եզրահանգման, որ բոլոր մասնակիցների մոտ էլ. հաղորդագրությունների հետ «շփվելու» ժամանակ նկատվել է սթրեսի մակարդակի բարձրացման համար շատ կարևոր հորմոնի` կորտիզոլի կտրուկ աճ, իսկ այն օրերին, երբ մուտք չեն ունեցել իրենց համացանցային փոստերը, ապա սթրեսի մակարդակը նկատելիորեն իջել է:
