Անտիբ քաղաքում ֆրանսիացի հնագետները ծովախորշի հատակում հայտնաբերել են հին հռոմեական նավի մնացորդներ: Այս մասին հաղորդում է ArtDaily-ն:
Ներկայում նավաշինարանի մի մասը նախատեսվում է չորացնել ստորգետնյա կայանատեղի կառուցելու համար:
Հնագետները պեղումներն ավարտելու համար մեկ տարուց քիչ ժամանակ ունեն: Ենթադրաբար, այն վայրում, որտեղ կատարվում են պեղումները, եղել է անտիկ նավահանգիստ:
Գիտնականների խոսքով` հատակը «ավազով ծածկված աղբավայր» է:
Ներկայում գիտնականներին հաջողվել է դուրս բերել մի քանի հազար հրաշալի պահպանված իրեր: Իրերը լավ են պահպանվել հատուկ միջավայրի հետևանքով (ցածր ջերմաստիճան, թթվածնի քիչ քանակություն, լույսի բացակայություն):
