Կալիֆոռնիայի ֆինանսիստները հաշվել են, թե Ատամի փերին միջինը որքան գումար է թողնում երեխաներին նրանց կաթնատամների փոխարեն: Պարզվել է, որ 2012 թ. ամերիկացի երեխաները մեկ ընկած ատամի դիմաց ստացել են 3-ական դոլար, ինչը 40%-ով ավելի է, քան 2011 թ.: Այս մասին հաղորդում է UPI-ը:
Ատամի փերու ֆինանսական գործունեության մասին հետազոտությունն անցկացվել է 2012 թ. հուլիսին Visa ընկերության կողմից: Հեռախոսային հարցմանը մասնակցել է 2000 չափահաս ամերիկացի:
Պարզվել է, որ ավելացել է ոչ միայն երեխաների կաթնատամների պարգևատրման միջին գումարը, այլև, ընդհանուր առմամբ, Ատամի փերու «ծախսած» գումարի չափը: Նախորդ տարվա համեմատությամբ՝ այդ ցուցիչն ավելացել է 15%-ով:
Ատամի փերին մտացածին կերպար է, որը հիշատակվում է արևմտյան մշակույթի հեքիաթներում: Փերու հիմնական խնդիրն է նվերներ կամ գումար տալ այն երեխաներին, որոնց կաթնատամներն ընկնում են: Ավանդույթի համաձայն՝ երեխան պետք է ընկած ատամը դնի բարձի տակ, իսկ առավոտյան դրա տեղում հայտնվում է դրամ կամ ոչ մեծ հուշանվեր Ատամի փերուց: Վեջինիս դերը կատարում են ծնողները, որոնք աննկատ կերպով վերցնում են ատամը բարձի տակից և դրա փոխարեն ինչ-որ բան դնում:
