Հոլանդացի ռեժիսոր Երուն Վոլֆը նկարահանել է «0-ից 100 տարեկան» 100 մարդու դեմքերը` ցուցադրելու ծերացման պրոցեսը:
150 վայրկյան տևողությամբ սյուժեում կարելի է տեսնել, թե ինչ փոփոխություններ են տեղի ունենում մարդու արտաքինում ծերացմանը զուգահեռ:
Վոլֆը կանգնեցրել է մարդկանց Ամստերդամի փողոցներում ու խնդրել, նայելով տեսախցիկին, ասել իրենց տարիքը, հաղորդում է բրիտանական The Daily Mail-ը:
Ապա նա կադրերը հավաքել է մեկ հոլովակում, ու ստացվել է զարմանալի վիդեո, որը ստիպում է մտածել մոտալուտ մահվան մասին: Հոլովակը եզրափակվում է հոլանդացի 100-ամյա ժպտացող տատիկի դեմքով:
Նկարահանումներն սկսվել են 2011-ից:
