Սեպտեմբերի 4-ին Բեռլինում փակվել է ալտերնատիվ մշակույթի պաշտամունքային կենտրոնը, որի պահպանման համար նկարիչները պայքարում էին մի քանի տարի: Դատական կատարածուները ստացել են շենքի բանալիները և կնիք են դրել դրա վրա:
Ավելի քան 50 մարդ է մասնակցել ընդդեմ կենտրոնի փակման բողոքի ակցիային:
Նկարիչների ներկայացուցիչը «Տախելեսի» փակումն անվանել է «արվեստի գողություն ոստիկանության հովանու ներքո»: Արվեստի գործիչների կարծիքով` այդ վայրը դարձել է Բեռլինի տեսարժան վայր, այդ պատճառով այն բարձրաստիճան պաշտոնյաները, ովքեր թույլ են տվել լիկվիդացնել այն, պետք է պաշտոնաթող լինեն:
Ժամանակակից արվեստի կենտրոնը ձևավորվել էր նախկին հանրախանութի շենքում, որը կառուցվել էր 20-րդ դարի սկզբին Բեռլինի հրեական թաղամասում Գերմանիայի միավորումից հետո: 1998թ. Բեռլինի իշխանությունները շենքը վաճառել են Fundus-Gruppe ընկերությանը 2.7 միլիոն եվրոյով:
Տարիներ շարունակ նկարիչները և նրանց կողմնակիցները բազում բողոքի ակցիաներ են կազմակերպել, սակայն այդպես էլ չի հաջողվել խոչընդոտել կենտրոնի փակումը:
