Այսօր ՌԴ ԱԳՆ-ն հայտարարել է, որ Սիրիական ազատ բանակի սպառնալիքների իրականացման պատասխանատվությունն ընկած է թե՛ իրականացնողների, թե՛ նրանց հովանավորների վրա: Այս մասին հայտնել է ՌԴ ԱԳՆ-ն:
«Մոսկվայում մեծ անհանգստությամբ ընդունեցին այսպես կոչված Սիրիական ազատ բանակի մամուլում տարածած այն հաղորդագրությունները, որ Դամասկոսի և Հալեպի միջազգային քաղաքացիական օդանավակայանների ինքնաթիռները վայր կգցվեն: Դրա հետ կապված քաղաքացիական ավիաընկերություններին առաջարկվել է սեպտեմբերի 1-ից սկսած 72 ժամով դադարեցնել թռիչքները դեպի այդ երկիր»,- նշել են ԱԳՆ-ում:
Մոսկվայում նման սպառնալիքները ամբողջովին անընդունելի են համարում:
«Բարոյական և իրավական տեսանկյունից դա նշանակում է ապստամբների ծայրահեղ մոտենալը կարմիր գծին, որից այն կողմ գործողություններ են ընթանում, որոնք ոչնչով չեն տարբերվում Ալ-Քաիդայի հանցագործություններից»,- ընդգծվում է գերատեսչությունում:
