Լեռնային Ղարաբաղի Հանրապետության հռչակման 21-րդ տարեդարձի կապակցությամբ Նախագահ Բակո Սահակյանը ստորագրել է հրամանագրեր պարգևատրելու և պատվավոր կոչումներ շնորհելու մասին:
Հայրենիքի պաշտպանության համար մղված մարտերում ցուցաբերած անձնական արիության համար «Արիության համար» մեդալով պարգևատրվել է 5 հոգի, որից 2-ը` հետմահու:
Հայրենիքի պաշտպանության գործում ներդրած ավանդի, ծառայության ընթացքում ցուցաբերած խիզախության համար «Մարտական ծառայություն» մեդալով պարգևատրվել է 158 հոգի, որից 9-ը` հետմահու:
Պետական շինարարության, տնտեսության, առողջապահության, մշակույթի, կրթության բնագավառներում ԼՂՀ մատուցած ծառայությունների համար «Մխիթար Գոշ» մեդալով պարգևատրվել է 8 հոգի, «Վաչագան Բարեպաշտ» մեդալով` 5 հոգի, «Անանիա Շիրակացի» մեդալով` 2 հոգի, «Երախտագիտություն» մեդալով` 22 հոգի:
Մշակույթի և առողջապահության բնագավառներում ունեցած մեծ ավանդի համար պատվավոր կոչումներ են շնորհվել.
Վաստակավոր արտիստի` Լարիսա Սարգսյանին «Դիզակ » ժողովրդական գործիքների համույթի մենակատար /ք. Հադրութ/
Մշակույթի վաստակավոր գործչի` Մելս Հովսեփյանին ինքնուս նկարիչ, արցախյան ազգային-
ազատագրական պայքարի մասնակից, պահեստազորի մայոր
Վաստակավոր բժշկի` Վարդան Ղուկասյանին ԼՂՀ առողջապահության նախարարության «Հանրապետական բժշկական կենտրոն»
ՓԲԸ վիրաբուժական բաժանմունքի վարիչ
Էդուարդ Պատվականյանին ԼՂՀ առողջապահության նախարարության «Հանրապետական բժշկական կենտրոն»
ՓԲԸ բժիշկ-ուրոլոգ:
