РИА Новости -ի փոխանցմամբ՝ Իրանի նավթարդյունաբերության նախարար Ռոստեմ Ղասեմին հայտարարել է, որ Իրանի իշխանությունները պլանավորել են երկրի նավթագազային սեկտորի զարգացման մեջ ներդնել կայունացնող հիմնադրամի ընդհանուր գումարի 1/5-ը կամ 18 տոկոսը.
«Ազգային զարգացման հիմնադրամը ստեղծվել է ազգային տնտեսության պաշտպանության արդյունավետ գործիքի վերածվելու և նավթից Իրանի տնտեսության ունեցած կախվածությունը կրճատելու համար: Յուրաքանչյուր տարի կայունացնող հիմնադրամին է բաժին ընկնում երկրի ազգային համախառն շահույթի 20 տոկոսը:
Կայունացնող հիմնադրամի միայն 1/5-ը կուղղվի երկրի նավթագազային սեկտորի զարգացմանը: Իրանական 1391-րդ տարվա (2012-2013) պետբյուջեում կայունացնող հիմնադրամի միայն 18 տոկոսն է նախատեսված նավթագազային ոլորտի զարգացմանը»:
Նշվում է, որ Իրանի կայունացնող հիմնադրամի տրամադրության տակ առկա է 40 միլիարդ դոլար:
