Նոր Զելանդիայի զոհերի թիվը վերջին ժամերին հասել է 98-ի: Անհետ կորած է համարվում 226 մարդ: Այս մասին հայտնել են տեղի փրկարարարկան ծառայությունների ներկայացուցիչները: Վերջին մեկ օրվա ընթացքում հաջողվել է փլատակների տակից հանել մոտ 120 մարդ:
Փրկարարների հույսերը կենդանի մարդ գտնելու ժամ առ ժամ սպառվում են: Նորզելանդական փրկարարներին են միացել նաև իրենց օտարեկրյա գործընկերները: Այս մասին հաղորդում է Reuters գործակալությունը:
Հիշեցնենք, որ վերջին 80 տարվա ամենակործանարար երկրաշարժը Նոր Զելանդիայում տեղի է ունեցել փետրվարի 22-ին: Էպիկենտրոնում երկրաշարժի ուժգնությունը կազմել է 6.3 մագնիտուդ: Հիմնական քաղաքը, որ տուժել է ցնցումներից, Քրայսթչերչն է, որի մի շարք շրջաններ այլևս պիտանի չեն բնակության համար:
