Նորվեգիայում այսօր լույս է տեսել գիրք, որում հավաքված են 21 տարվա ազատազրկման դատապարտված Անդերս Բրեյվիկի ավելի քան 7000 նամակները: Այս մասին հայտնում են տեղի ԶԼՄ-ները:
Էլեկտրոնային նամակները հավաքել ու ավելի քան մեկ տարի պահել է նորվեգացի գրող ու լրագրող Խյետիլ Ստուրմակը: Թե ինչպես է լրագրողը ձեռք բերել ահաբեկչի նամակները, չի հաղորդվում:
«Ամենագլխավորը` ընթերցողները կարող են ինքնուրույն պատկերացում կազմել այն մասին, թե ինչ է արել Բրեյվիկը մինչ հուլիսի 22-ը, ում հետ է շփվել ու ինչպես է պատրաստվել ահաբեկչությանը»,- Ստուրվիկի խոսքերը մեջբերում է «Դագբլադետ» հրատարակությունը:
Նրանցից շատերի անունները, որոնց հետ Բրեյվիկն անձնական նամակագրություն է ունեցել, չեն նշվում: Սակայն ընթերցողները կարող են տեսնել անուններ, որոնք արդեն հնչել են մամուլում, ինչպես նաև ընկերության անուններ, որոնց հետ Բրեյվիկն ունեցել է գործնական կապեր:
Բրեյվիկի նամականին` անցած տարվա հունիսի 22-ի իրադարձությունների մասին պատմող թվով երկրորդ գիրքն է` գրված Ատուրմարկի կողմից:
Բացի այդ` անձամբ Բրեյվիկը մտադիր է բանտում նվազագույնը 3 գիրք գրել: Որոշել է գիրք գրել նաև Բրեյվիկի հայրը, ում հետ Անդրես Բրեյվիկը երկար տարիներ չի շփվել:
