The Pirate Bay-ի ստեղծողներից մեկը` Գոտֆրիդ Սվարտհոլմը, ձերբակալվել է Կամբոջայում: Այս մասին սեպտեմբերի 2-ին հայտնում է Agence France-Presse-ը: Որոշ տվյալների համաձայն` Սվարտհոլմը վերջին տարիներին ապրել է Կամբոջայի մայրաքաղաքում:
Սվարտհոլմի ձերբակալման պատճառները հայտնի չեն, հայտնում են միայն, որ նա ձերբակալվել է տեղեկատվական տեխնոլոգիաների ոլորտում իրականացրած հանցագործությունների համար: Ոստիկանության ներկայացուցիչը հայտնել է, որ հանցագործին Շվեդիա արտահանձնելու համաձայնություն չկա, այդ պատճառով Սվարտհոլմի հետագա ճակատագիրը դեռ հայտնի չէ:
2009-ին Շվեդիայի դատարանը նրան և երեք այլ անձանց վեց տարվա ազատազրկման էր դատապարտել հեղինակային իրավունքների կոպիտ խախտման համար: Նա բողոքարկել է դատավճիռը, սակայն լսումների չի ժամանել: Դրա հետ կապված` դատարանը հաստատել է առաջին որոշումը, և երբ Սվարտհոլմը չի ներկայացել պատիժը կրելու, դատարանը նրա նկատմամբ հետախուզում է հայտարարել:
