Արիզոնայի նահանգապետ, Հանրապետական կուսակցության անդամ Ջեն Բրյուերը եթերում անսպասելի հայտարարել է, թե հուսով է` ԱՄՆ նախագահական ընտրություններում կհաղթի Օբաման: Այս մասին հայտնում է News 4 Tucson-ը:
Կինը հարցազրույց էր տվել MSNBC հեռուստաալիքին Տամպա քաղաքում (Ֆլորիդա) Հանրապետական կուսակցության համագումարից հետո, որտեղ հաստատվել էր հանրապետական Միթ Ռոմնիի թեկնածությունը` որպես նախագահի թեկնածու:
Թղթակիցը հարցրել է Բրյուերին` քննարկե՞լ է արդյոք նա Ռոմնիի հետ ներգաղթի վերաբերյալ հարցը: Բրյուերն ի պատասխան ասել է, որ Ռոմնին հասկանում է դրանից, քանի որ եղել է նահանգապետ, ապա հավելել է. «Կարծում եմ, եթե նոյեմբերին նախագահ դառնա Օբաման, իսկ ես հուսով եմ` հենց նա կհաղթի ընտրություններում, նա կկարողանա միավորել մեզ ու առաջարկել այդ հարցի լուծումը: Ես ենթադրում եմ, որ նա կպաշտպանի մեր սահմանները»:
Բրյուերը չի նկատել, որ վրիպել է, իսկ լրագրողը շարունակել է հարցեր տալ:
Նահանգապետի մամլո քարտուղարը News 4 Tucson-ին հայտարարություն է ուղարկել, որում հայտնել է, որ Բրյուերն, անկասկած, վրիպում է թույլ տվել:
