Հայտնի ֆրանսիացի գրող Ռիշար Միլլեն արձագանքել է Անդերս Բրեյվիկի մանիֆեստին` հայտարարելով. «Բրեյվիկը, անկասկած, այն է, ինչին արժանի է Նորվեգիան»:
Առայժմ Միլլեի գործընկերները զարմացած են նրա արարքից, իսկ լրագրողները գուշակում են դրա պատճառը:
Գրողի խոսքով` ինքը չի ողջունում 77 մարդու սպանած Անդերս Բրեյվիկի արարքը, սակայն բարձր է գնահատում նրա գրական ունակությունները` մարդասպանի «2083` Եվրոպայի անկախության հռչակումը» մանիֆեստի բոլոր 1500 էջերը կարդալուց հետո: The Telegraph-ի փոխանցմամբ`Միլլեն գովաբանել է Բրեյվիկին նաև «սոցիալ-դեմոկրատիայի, ներգաղթի և բազմամշակութայնության հանդեպ ատելության ճիչի» համար:
Միլլեի արարքի հետ կապված` գրականագետների կարծիքը բաժանվել է: Ոմանք կարծում են, թե նա «կորցրել է գլուխը», և նրա արաքը որակում են որպես «քաղաքականապես վտանգավոր»: Մյուսները վստահ են, որ Միլլեի կասկածելի մտքերը չեն նվազեցնում նրա գրական որակները:
RFI-ն հիշեցնում է, որ 2012-ի գարնանը Միլլեն հանդես է եկել մեկ այլ սկանդալային գովեստով` ուղղված Բաշար Ասադին:
Միլլեն ավելի քան 50 վեպի հեղինակ է և «Լեզվական զգացողությունը» էսսեի համար արժանացել է Ֆրանսիական ակադեմիայի մրցանակին: