Երեկ «Առաջին լրատվական»-ը փորձեց պարզել Հայաստանո՞ւմ է արդյոք Գյումրիի քաղաքապետ Վարդան Ղուկասյանի որդին: Գյումրիի ոստիկանապետ Կարեն Բաբակեխյանը մեզ հավաստիացրեց, որ Վարդան Ղուկասյանի որդին՝ Սպարտակ Ղուկասյանը, Հայաստանում չէ:
Մինչդեռ ոստիկանությունն արդեն հայտնել է, որ նախաքննության ունեցած տվյալներով, օգոստոսի 24-ին Գյումրիում տեղի ունեցած վիճաբանությանը մասնակցել են Գյումրիի բնակիչ Ս. Ղուկասյանն ու քաղաքի ավագանու անդամի թեկնածու Էդգար Մկրտչյանը՝ իրենց ընկերների հետ:
Մեր`ինչո՞ւ են ոստիկանության այս երկու հայտարարություններն իրար հակասում հարցին ի պատասխան Կ. Բաբակեխյանը նորից կրկնեց, որ Ս. Ղուկասյանը հանրապետությունում չէ և նրա նկատմամբ հետախուզում է հայտարարված: Նրան մեղադրանք է առաջադրվել է ՀՀ քր.օր.-ի 258 հոդվածի (խուլիգանություն) 4-րդ ու 235 հոդվածի 1-ին մասերով (ապօրինի զենք, զինամթերք ձեռք բերելը, պահելը, կրելը):
