Մարդու արյան մեջ նյութափոխանակության ընթացքում այս կամ այն նյութերի մոլեկուլյար «շարժը» թույլ է տալիս բացահայտել տվյալ անձի կենսաբանական ժամացույցը: Դա հնարավոր է անել ընդամենը արյան երկու անալիզի միջոցով, որոնք պետք է հանձնել 12 ժամ ընդմիջումով:
ԴՆԹ-ի հատուկ հատվածները կառավարում են բազմաթիվ գործընթացներ մեր օրգանիզմում` քնելու և արթուն լինելու ժամանակները, սննդի որոնումը և կենդանի օրգանիզմներին անհրաժեշտ այլ երևույթներ: Կենսաբանական ժամացույցի մասին տեղեկությունն անհրաժեշտ է մարդուն. Օրինակ՝ դեղահաբեր ընդունելու համար, քանի որ դրանք տարբեր ժամերի տարբեր արդյունավետություն են ունենում, ինչպես նաև որոշ դիետաների դեպքում:
Օսակայի համալսարանի գիտնական Խիրոկի Ուեդան և նրա գործընկերները սեփական միջոցն են առաջարկել օրգանիզմի «ժամացույցը» ճշտելու համար:
Անհրաժեշտ է լաբորատոր պայմաններում անալիզի միջոցով արյան մեջ որոշել մելատոնին և կորտիզոլի պարունակությունը: Ուեդան և նրա գործընկերները յուրաքանչյուր ժամ անալիզ են վերցրել վեց կամավորներից: Ապա աղյուսակ են կազմել նյութափոխանակության ընթացքում օրվա տարբեր պահերին տարբեր նյութերի քանակության ավելանալու և պակասելու մասին նշումներով:
Արդյունքում գիտնականներին հաջողվել է ոչ միայն ճշգրտորեն որոշել բոլոր մասնակիցների ներքին » «ժամանակը», այլ նաև ի հայտ բերել նրա «տեղաշարժերը»:
