Բիշքեկում Բելառուսի դեսպանատունը ենթարկվել է ցուցարարների հարձակմանը, որին հիմնականում մասնակցել են Ղրղըզստանում 2010 թ. պետական հեղաշրջման ժամանակ զոհվածների հարազատները: Այդ ժամանակ իշխանությունից զրկվել էր երկրի նախագահ Կուրմանբեկ Բակիևը: Այս մասին տեղեկացնում է BBC-ի ռուսական ծառայությունը:
Ցուցարարները կոտրել են դեսպանատան ապակիները, տուժածներ, բարեբախտաբար, չկան:
Ակցիայի մասնակիցները պահանջում են դեսպանի հետ հանդիպում, սակայն դիվանագիտական աշխատակիցներից դեռ ոչ ոք դուրս չի եկել վերջիններիս հետ հանդիպման:
Պաշտոնական Բիշքեկը անցած շաբաթ Բելառուսից հետ էր կանչել իր դեսպանին սկանդալից հետո, երբ ինտերնետում տարածվեցին Ինտերպոլի կողմից հետախուզվող Ղրղըզստանի նախկին նախագահի եղբոր` Ժանիբեկ Բակիևի` Մինսկի կենտրոնում արված լուսանկարները: Վերջինս Ղրղըզստանում մեղադրվում է հատկապես ծանր հանցագործություններ կատարելու մեջ:
