Սիրիացի ապստամբները YouTube-ում տեղադրել են մի տեսանյութ, որտեղ երևում է կառավարական ուժերի ոչնչացրած մեկ ռազմական ուղղաթիռ:
Տեսանյութին կից գրության մեջ նշվում է, որ օգոստոսի 27-ի առավոտյան ուղղաթիռը գնդակոծվել է Դամասկոսի արևելյան՝ Զամալկա շրջանում:
Առաջին կադրերում պարզ երևում է, որ ուղղաթիռն իր հետևից թողնում է ծխի ամպ, ապա սկսվում է հրդեհն ու այն քթամասով բախվում է գետնին` կորցնելով կառավարումը:
Ամենայն հավանականությամբ, խոսքը «Մի-25» հարվածային ուղղաթիռի մասին է:
Սիրիայի պետական հեռուստատեսությունը հաստատել է ուղղաթիռի կորստյան փաստը, սակայն հայտարարել է, որ այն ընկել է տեխնիկական անսարքության հետևանքով:
Օդաչուների ճակատագրի մասին դեռ ոչինչ հայտնի չէ: Դատելով կադրերից` նրանք ողջ մնալու շատ քիչ հնարավորություն են ունեցել:
