Ամերիկյան Մեն նահանգի բնակչուհին իր թոռան համար դարձել է փոխնակ մայր` զավակ պարգևելով իր դստերն ու փեսային: Այս մասին հաղորդում է The Bangor Daily News-ը:
49-ամյա Լինդա Սիրիուսը որդի է պարգևել իր 25-ամյա դստերը` Էնջլ Հեբերտին, և նրա ամուսնուն` Բրայն Հեբերտին: Երեխան ծնվել է լիարժեք փոխնակ մոր ծրագրով, համաձայն որի՝ կենսաբանական ծնողների էմբրիոնը իր օրգանիզմում կրում է փոխնակ մայրը: Էնջլը երեխա չէր կարող ունենալ անառողջ սրտի պատճառով:
Մեկ տարի առաջ Լինդան դիմել էր բազմաթիվ հիվանդանոցներ՝ նպատակ ունենալով դառնալ փոխնակ մայր, սակայն հաշվի առնելով նրա տարիքը՝ մերժել էին: Միայն Մասաչուսեթս նահանգի Լեքսինգթոնի վերարտադրողական կենտրոնում են համաձայնել օգնել նրան: Ստուգումներից հետո պարզվել է, որ նրա օրգանիզմը լիարժեք առողջ է զավակ ունենալու համար: 2011 թ. դեկտեմբերին բեղմնավորված էմբրիոնը տեղադրել են նրա արգանդում:
Էնջլից բացի՝ Լինդան ևս3 երեք զավակ ունի: Նրա խոսքերով՝ այդ 9 ամիսների ընթացքում ինքն ուղղակի դայակություն է արել իր թոռնիկի համար:
