Այսօր Հայաստանի Ամերիկյան համալսարանում տեղի ունեցավ «Քաղաքացիական հասարակության ինդեքս. Հայաստան» զեկույցի շնորհանդեսը: Միջոցառմանը ներկայացվեցին հետազոտության արդյունքները, ելույթ ունեցան ծրագրի տնօրեն Արսեն Ստեփանյանը, ԱՄՆ դեսպան Մարի Յովանովիչը, ԵԱՀԿ երևանյան գրասենյակի ղեկավար Սերգեյ Կապինոսը և «Քաունթերփարթ ինթերնեշնլ»-ի փոխնախագահ Ալեքս Սարդարը:
Հետազոտության համաձայն, քաղաքացիների մասնակցությունը սոցիալ-քաղաքակական գործընթացներին բավականին ցածր մակարդակի վրա է, բավարար չէ նաև քաղաքացիական ինստիտուցիոնալացման ցուցանիշը, սակայն զեկույցը փաստում է նաև մի դրական փաստ. հասարակական կաևորություն ունեցող խնդիրները լայնորեն քննարկվում են ՀԿ-ների կողմից:
Քաղաքացիական հասարակության ինդեքսը քաղաքականապես չեզոք ցուցանիշ է, որի հետազոտություններն իրականացվում են աշխարհի ավելի քան 40 երկրներում: Հայաստանում այս հետազոտությունը կազմակերպել է ԱՄՆ Միջազգային զարգացման գործակալության «Քաունթերփարթ ինթերնեշնլ»-ը: Ծրագրի իրականացմանը աջակցել են նաև CIVICUS քաղաքացիական մասնակցության համաշխարհային միավորումը, ԵԱՀԿ գրասենյակը, ՄԱԿ-ի զարգացման ծրագիրը և այլ հիմնադրամներ ու ՀԿ-ներ: