Ռուսաստանի դատարանը Pussy Riot խմբի 3 աղջիկներին մեղավոր է ճանաչել կրոնական ատելության հիմքով խուլիգանության համար,- խմբագրական հոդվածում գրել է Le Monde-ը: Նադեժդա Տոլոկոննիկովան, Եկատերինա Սամուցևիչը և Մարիա Ալյոխինան 2 տարով կուղարկվեն ուղղիչ գաղութ՝ 30 վայրկյանով Ռուսաստանի նախագահին սադրելու համար,- նշվում է հոդվածում:
XXI դարում պուտինյան Ռուսաստանը վերականգնում է ինկվիզիցիան: Կրեմլի և պետանվտանգության կոմիտեի ղեկավարի նպատակը պարզ է. արթնացնել պահպանողական հակաարտերկրյա տրամադրությունները,- ասվում է հոդվածում:
Նրանք նաև ուզում են ստիպել լռել մյուս Ռուսաստանին, միջին դասին, որը պատրաստ է բողոքել ընտրությունների ժամանակ մասսայական կեղծիքների և արքա Պուտինի բռնակալության դեմ: 3 աղջիկների` հրաշալի ուսանողուհիների և մայրերի դատապարտումը Կրեմլի ուժի ցուցադրությունն է, որին աջակցում են արդարադատության համակարգը և Ուղղափառ եկեղեցին,- նշում է հրատարակությունը:
Բացի դրանից, մեկ փաստ էլ է հայտնի դարձել դատի ընթացքում` դատապարտվածներից մեկի ամուսինը կանադական անձնագիր ունի: «Ուժեղ, քան երբևէ, իր երրորդ մանդատն ստանալուց վեր, Վլադիմիր Պուտինը ցանկանում է իր կամքը թելադրել ինչպես երկրի ներսում, ինչի վկայությունը հետևյալ դատական գործն է, այնպես էլ` միջազգային ասպարեզում` սատարելով Դամասկոսի ռեժիմին: Սա նրան ավելի կմեկուսացնի: Այսպիսի գործողություններն անվիճելիորեն դատապարտվելու են արժանի»,- եզրափակում է հրատարակությունը:
