Վրացի դիվանագետ Տեդո Ջափարիձեն Վաշինգտոնում հանդիպել է ԱՄՆ պետքարտուղար Հիլարի Քլինթոնի տեղակալ Ֆիլիպ Գորդոնի հետ, գրում է «Գրուզիա. օնլայն»-ը:
Հանդիպման ընթացքում Գորդոնը նշել է, որ ԱՄՆ-ում ռուսամետ Իվանիշվիլիի մասին վրացական իշխանությունների հռետորաբանությունը փաստարկ չի դիտարկում:
«Ես Գորդոնին վաղուց եմ ճանաչում: Նրա հետ լուրջ և երկարատև զրույցի ժամանակ, երբ ասացի՝ Ֆիլի´պ, կարծում եմ չեք հավատում, որ ես Ռուսաստանի գործակալ եմ, նա պատասխանեց, որ ոչ միայն չեն հավատում, այլև դա փաստարկ չեն համարում»,- ասել է Ջափարիձեն: