Վրաստանի և Թուրքիայի էներգետիկայի նախարարները շաբաթ օրը տեղի ունեցած հանդիպման արդյունքներով պայմանագիր են ստորագրել Վրաստանում 3 նոր ՀԷԿ-երի կառուցման մասին. տեղեկացնում է Новости-Грузия-ն:
Ստորագրումից հետո Թուրքիայի էներգետիկայի նախարար Թաներ Յըլդըզը հայտարարել է ,որ Վրաստանն էներգետիկ սեկտորում բացառիկ դիրք ունի, և իրենք մտադիր են լուրջ ներդրում ունենալ այդ երկրում հիդրոէլեկտրակայանների և արտադրական հոսքագծերի հիմնման գործում:
Վրաստանի էներգետիկայի նախարար Ալեքսանդր Խետագուրին իր հերթին գոհունակությամբ նշել է, որ Թուրքիան, քաղաքականից բացի, նաև էներգետիկ գործընկեր է դառնում:
Հայտնի է, որ թուրքական Agaoglu ընկերությունը 3 հիդրոէլեկտրակայան կկառուցի Պարավանի գետի վրա, որոնց տարեկան արտադրական հզորությունը կլինի 277 միլիոն կլիվատտ/ժամ:
Շինարարական աշխատանքները սկսվելու են 2012-ին և ավարտվելու են 4 տարում:
