Իրանական IRNA լրատվական գործակալության փոխանցմամբ՝ Իրանի առաջին փոխնախագահ Մոհամեդ Ռեզա Ռահիմին լրագրողների հետ զրույցում անդրադարձել է օրեր առաջ Իրանում տեղի ունեցած ավերիչ երկրաշարժերին.
«Իրանը մշտապես օգնության է հասել այն երկրներին, որոնք տուժել են բնական աղետներից: Ներկայումս մեր երկիրը պատրաստ է ընդունելու միջազգային հանրության օգնությունը երկրաշարժից տուժածներին»:
Հիշեցնենք, որ օգոստոսի 11-ին Իրանում տեղի էր ունեցել երկու երկրաշարժ, որոնցից մեկի ուժգնությունը կազմել էր 6.3, իսկ մյուսինը՝ 6.4 մագնիտուդ: Երկրաշարժերի հետևանքով զոհվել է 306 մարդ, տուժածների թիվը հասել է 4500-ի: Աղետի գոտին ընդգրկել է 580 գյուղ, որոնց կեսն ավերվել է 60-100 տոկոսի չափով:
Ի դեպ, երեկ իրանական մի շարք լրատվամիջոցներ հայտնեցին, որ այդ երկրաշարժերը Իրանում անցկացված ստորգետնյա միջուկային փորձարկումների հետևանքն են, ինչի պատճառով էլ Իրանը հրաժարվում է ընդունել օտար հումանիտար օգնություն:
