1924 թվականի օգոստոսի 10-ին ծնվել է, հայ անվանի դերասան, ռեժիսոր, սցենարիստ Երվանդ Մանարյանը, ով տոնում է իր ծննդյան 88-ամյակը:
Մանարյանը, որպես դերասան և ռեժիսոր, աշխատել է Երևանի Հ. Պարոնյանի անվան երաժշտական կոմեդիայի և Գ. Սունդուկյանի թատրոնում։
1957-59-ին եղել է Հ. Թումանյանի անվան տիկնիկային թատրոնի գլխավոր ռեժիսորը։ 1959-61-ին նույն պաշտոնը վարել է Գորիսի թատրոնում։ Այնուհետև աշխատել է Երևանի փաստագրական ֆիլմերի ստուդիայում և «Երևան» կինոմիավորումում։
Նկարահանել է վավերագրական և գեղարվեստական մի շարք ֆիլմեր, ինչպես` «Հարսնացում հյուսիսից», «Հայկական մանրանկարչություն»,«Միքայել Նալբանդյան», «Կառամատույցի կրպակը», «Լույս», «Դեղերի ծնունդը», «Նորից եկավ ամառը» և այլն։
Գրել է սցենարներ «Տժվժիկ», «Տերն ու ծառան», «Սպիտակ ափ» և այլ ֆիլմերի համար։